ინფრასტრუქტურა¶

ის ნაწილი, რომელიც მიწაში და ბოძებზეა — და რომელიც ყველაზე ძვირი ჯდება.

ბოძი — Pole¶

საყრდენი, რომელზეც საჰაერო კაბელი ეკიდება.

ქართულად: ბოძი
FiberQ-ში ორი სახელით: Place Pole (სწრაფი პანელი) და Add pole (ტრასირების მენიუ) — ერთი და იგივე ბრძანებაა, მხოლოდ ინგლისური ფორმულირება განსხვავდება. ქართულში ორივე ბოძი-ს იყენებს.

ბოძზე შეიძლება პირდაპირ დამონტაჟდეს ელემენტები: ბოძის OTB, ბოძის TO.

მალი — Span¶

მონაკვეთი ორ საყრდენს შორის.

ქართულად: მალი — დამკვიდრებული ქართული საინჟინრო ტერმინი
არა ხიდის მალი, თუმცა სიტყვა იგივეა

ეს ტერმინი მნიშვნელოვანია mid span slack-ის გასაგებად → ოპტიკური მარაგი.

ჭა — Manhole¶

მიწისქვეშა სასინჯი კამერა მილების ტრასაზე.

აქ კაბელს წვდომა აქვს — შედუღება, მარაგის განთავსება, ახალი მილის შეერთება.

ქართულად: საკაბელო ჭა, მოკლედ ჭა
არა ლუქი — ლუქი მხოლოდ სახურავია
ველზე ისმის კოლოდეცი (რუსიციზმი) — დოკუმენტში საკაბელო ჭა ჯობია
ფრანგულად: chambre de tirage, და არასდროს trou d'homme — მეინთეინერი ამას ცალკე აღნიშნავს

მრავლობითი და მხოლობითი

FiberQ-ს ორივე აქვს: Placing manholes (მილგაყვანილობის მენიუში, მრავალსაფეხურიანი პროცესი) → ჭების განთავსება, და Placing manhole (ერთი ჭის განთავსება) → ჭის განთავსება.

მილი — Duct / PE pipe¶

მიწაში ჩაფლული მილი, რომელშიც კაბელი გაივლება.

ინგლისურში ორი სიტყვაა ერთი და იმავე საგნისთვის — მენიუში pipe, დანარჩენ პლაგინში duct. მეინთეინერი პირდაპირ წერს: ორივე ერთი სიტყვით თარგმნეთ.

ქართულად: მილი
მენიუს ჩანაწერი: Place PE pipe → PE მილის განთავსება
PE = პოლიეთილენი, Ø 40 მმ (ჩვეულებრივი გამანაწილებელი მილი)
ტევადობა: 1×1-დან 3×3-მდე — რამდენი მილი ქმნის კონას

გადასასვლელის მილი — Transition pipe¶

მსხვილი დამცავი ფუტლარი (Ø 110 მმ) იქ, სადაც ტრასა კვეთს გზას, რკინიგზას ან წყალს.

მასში წვრილი PE მილები გაივლება.

ქართულად: გადასასვლელის მილი
მასალა: PVC, PE, Oki, თუთიაგადაკრული ფოლადი
არა ადაპტერი ორ სხვადასხვა დიამეტრს შორის

საიდან მოდის სახელი

„Transition" აქ ძველ სერბულ ტერმინს prelaz თარგმნის, რაც გადასასვლელს ნიშნავს. სწორედ ამიტომ არჩეულია გადასასვლელის მილი და არა დამცავი მილი — მეორე კარგავს „გადაკვეთის" აზრს.

მილგაყვანილობა — Ducting¶

მთელი მილების ინფრასტრუქტურა ერთად: ჭები + მილები.

FiberQ-ში ეს ხელსაწყოთა ჯგუფის სახელია, რომელიც სამჯერ მეორდება (ღილაკის წარწერა, tooltip, სტატუსის ხაზი) — ამიტომ ქართული ერთსიტყვიანი უნდა იყოს.

თხრილი — Trench¶

ღია გათხრა, სადაც მილი ან კაბელი ეწყობა.

UI-სტრიქონად ჯერ არ გვხვდება; ლექსიკონში სისრულისთვისაა.